Benvenguda der Alcalde
Planvoludi vesins e vesies, e visitaires, Ei tà jo un aunor balhar-vos era benvenguda ara plana oficiau der Ajuntament de Les e ath nòste estimat municipi. En aguest espaci poderatz trapar tota era informacion sus era nòsta vila. Eth patrimòni arquitectonic e istoric, era cultura, era gastronomia, er entorn naturau, es nòstes Hèstes deth Huec e er aigua termau, son sonque quauqui des grani actius que compausen era identitat e autenticitat deth pòble de Les. Eth nòste municipi a sabut conservar era sua eréncia culturau e es sues tradicions e costums ath long deth temps. Èm ua comunautat petita, mès plea de vida, esfòrç e solidaritat. Coma baile, me senti prigondaments orgulhós de formar part d'aguesta comunautat e de poder trabalhar damb e per cadun de vosati, entà bastir un futur melhor tath nòste pòble. Eth compromís d'aguest Ajuntament e deth sòn govèrn ei trabalhar incansablament entà melhorar era qualitat de vida des nòsti vesins, en tot cuedar es recorsi que mos aufrís eth territòri e eth nòste patrimòni, fomentant eth desvolopament locau e aufrint uns servicis publics dignes e de qualitat que tant meriten es nòsti ciutadans. Vos convidi a navegar pera nòsta plana web entà conéisher mès sus es projèctes qu'er equip de govèrn e eth consistòri amie a tèrme, mès tanben entà saber mès sus es eveniments que se realizen ena vila e tot aquerò que hè especiau ath nòste municipi. Rèsti ara vòsta disposicion entà trabalhar amassa en benèster e progrès dera nòsta comunautat. Corauments, Andreu Cortés Labrid Baile de Les